ແຂວງອຸດົມໄຊ ປິ່ນປົວຜູ້ຕິດເຊື້ອໂຄວິດ-19 ຫາຍດີອີກແລ້ວຈຳນວນ 2 ກໍລະນີ
ວັນທີ 31 ພຶດສະພາ 2021 ນີ້ ທີ່ໂຮງໝໍແຂວງອຸດົມໄຊ ໄດ້ຈັດພິທີ ສົ່ງບຸກຄົນທີ່ຕິດເຊື້ອພະຍາດໂຄວິດ-19 ທີ່ເຂົ້າມາປີ່ນປົວຢູ່ ໂຮງໝໍແຂວງຫາຍດີແລ້ວ ເພື່ອໄປຕິດຕາມອາການຢູ່ບ້ານ, ຄື ນາງ ອາຍີງເຈີນ(ກໍລະນີທີ່10) ບ້ານນາສໍາພັນ ແຂວງຫຼວງພະບາງ,ກັບ ທ້າວ ລີມ (ກໍລະນີທີ່11) ບ້ານນາໂຮມ ເມືອງແບງ ແຂວງອຸດົມໄຊ ເຊີ່ງກທັງສອງກໍລະນີແມ່ນໄດ້ເຂົ້າມາປີ່ນປົວພະຍາດໂຄວິດ ເປັນເວລາ ສອງອາທິດ ປັດຈຸບັນແມ່ນຫາຍດີແລ້ວ ດັ່ງນັ້ນຄະນະແພດໝໍຈີ່ງໄດ້ອະນຸຍາດໃຫ້ທັງສອງກໍລະນີກັບບ້ານໄດ້ ແລະ ຕ້ອງໄປຕິດຕາມອາການຢູ່ບ້ານອີກ 7 ວັນ ຈິ່ງອອກມາໃຊ້ຊີວິດຮ່ວມກັບຄອບຄົວປົກກະຕິໄດ້,ປັດຈຸບັນອຸດົມໄຊມີຜູ້ຕິດເຊື້ອສະສົມທັງໝົດ 22 ກໍລະນີ,ປິ່ນປົວຫາຍດີແລ້ວ 14 ກໍລະນີ ແລະ ພວມປິ່ນປົວ 8 ກໍລະນີ. ເຂົ້າຮ່ວມພິທີດັ່ງກ່າວມີ ທ່ານ ດຣ ສົມພອນ ຊາວມົງວື ຮອງຫົວໜ້າພະແນກ ສາທາລະນະສຸກແຂວງ, ມີທ່ານ ດຣ ລັດຕາ ວັນນະຈິດ ອໍານວຍການໂຮງໝໍແຂວງ ອໍານວຍການໂຮງໝໍແຂວງ ພ້ອມດ້ວຍແພດ,ໝໍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
