ພະແນກສາທາລະນະສຸກ, ໂຮງໝໍ, ໂຮງຮຽນ ລົງຊ່ວຍເຫຼືອຜູ່ປະສົບໄພນ້ຳຖ້ວມທີ່ແຂວງຫຼວງນ້ຳທາ
ໃນລະຫວ່າງວັນທີ 12-15 ກັນຍາ 2024 ນີ້ແຂວງຫຼວງນ້ຳທາໄດ້ຮັບຜົນກະທົບຈາກໄພພິບັດ ນ້ຳຖ້ວມ ໂດຍສະເພາະຂົງເຂດເທດສະບານແຂວງ ເຮັດໃຫ້ອາຄານ, ບ້ານເຮືອນ, ຮົ້ວໄຮ່ນາສວນ, ລວມທັງສະຖານທີສິ່ງປູກສ້າງອື່ນໆ… ຂອງພໍ່ແມ່ປະຊາຊົນ ຖືກເສຍຫາຍຢ່າງໜັກ ໃນນັ້ນຂົງເຂດຂະແໜງການສາທາ ກໍໄດ້ຮັບຜົນກະທົບເຊັນດຽວກັນ ໂດຍສະເພາະແມ່ນໂຮງໝໍແຂວງ, ພະແນກສາທາລະນະສຸກແຂວງຫຼວງນ້ຳທາ; ພະແນກສາທາລະນະສຸກແຂວງແຂວງອຸດົມໄຊ, ໂຮງຮຽນ, ໂຮງໝໍ ໃນນາມມິດສະຫາຍຮ່ວມອຸດົມການ ແລະ ແຂວງໃກ້ຄຽງ ກໍບໍ່ໄດ້ນິງນອນໃຈ, ມີຄວາມເປັນຫ່ວງເປັນໄຍ, ພ້ອມເຂົ້າຮ່ວມຂະບວນການຊ່ວຍເຫຼືອໃນຄັ້ງນີ້: ເຊິ່ງນຳພາໂດຍ ທ່ານ ຫຸມພັນ ອິນທະມຸງຄຸນ ຫົວໜ້າພະແນກສາທາລະນະສຸກ ແຂວງອຸດົມໄຊ ມີຄະນະນຳພະແນກ, ໂຮງຮຽນ, ໂຮງໝໍ ພ້ອມດ້ວຍພະນັກງານໄດ້ນຳເອົາເຄື່ອງອຸປະໂພກ, ບໍລິໂພກ, ລົດປ້ຳນ້ຳ ແລະ ອຸປະກອນ ຈຳນວນໜື່ງ ລົງຊ່ວຍເຫຼືອຜູ້ປະສົບໄພນ້ຳຖ້ວມທີ່ແຂວງຫຼວງນ້ຳທາ ເປັນຕົ້ນແມ່ນໄດ້ຊ່ວຍພະນັກງານອານະໄມສະຖານທີບໍລິການຄື: ພະແນກສາທາ, ໂຮງໝໍແຂວງ ຫຼວງນ້ຳທາ, ເອົາລົດປ້ຳນຳ້ໄປສີດລ້າງສະຖານທີ່ຕ່າງໆ ແລະ ສະໜອງນ້ຳໃຊ້, ນ້ຳກິນໃຫ້ແກ່ພໍ່ແມ່ປະຊາຊົນຢູ່ຈຸດຕ່າງໆ.
